Waat waerd de sjoonste Uulesjlager?

Biej gelaegeheid van ‘t 8×11 van D’n Uul trék de ganse Loup-nao-de-pómp-femieliej o.l.v. Hub Boesten de kómmende maonje door Groot-Remunj om in ein zevetal kéfeekes het Remunjse pebliek te laote genete van én te laote sjtumme euver de suksesnómmers van de uule-elpees oet de 70er en 80er jaore. Juweeltjes gemaak i.s.m. de Sjtudio van Jan Theelen in Munstergelaen.

Dit alles óm de verbinjing tösse D’n Uul en Groot-Remunj henj en veut te gaeve. Ein seleksie van de suksesnómmers zal waere gebrach door ein groot orkes en gezónge door ein 8-tal soliste in dezelfde sound es de “originals”. De aaftrap is op zóndaag 10 november biej Kefee Braam en de finish is op zóndaag 29 desember in de WinterFeverArena op ‘t Munsterplein. Alle matineekes beginne óm 14 oer.

Ouch zal op eder matineeke de meugelikheid gebaoje waere om ein kaertje veur de grote finale te koupe (vief euro) in de Sjpegeltent op zaoterdaagmiddaag 1 fibberwariej op de Mert. Biej de WinterFeverArena de grote verkoup van dees finale. Dus wils se zeker zeen van ein finale-kaertje, kóm dan nao de Matineekes!

Kiek hiej veur eur favoriete kéfee, want Loup-nao-de-Pómp kump door gans Remunj. Zie wirke daobiej same mit ein groot aantal Remunjsevastelaovesvereiniginge, die ouch ein muzikale biedrage gaon levere. Te dinke velt hiejbiej aan Prinsekepelle en Zate Hermeniekes.

De data zeen es volg:

10 november Braam

17 november De Biecht,

24 november De Post,

1 december Blond&Blond,

8 december De Ster,

15 december Aad Leeve en

29 december WinterFeverArena.

De antree is veur nieks (wo guf ’t det nog?) allein…mitzinge verplich!