Uuleleefde veur Vastelaovend

Ein bedankje veur ós sjpónsore.

Kunswerkske : Uuleleefde veur Vastelaovend
Sezoen : 2023-2024
Kunsteneer : Tim Smit

‘t Hert van dit werk is de geleefde uul, ‘t symbool van de Vastelaovesvereniging. De uul dae ederein ‘n hertelik wilkóm toereup. Mit ‘n knipoug nao de feestelike sfeer höb ich ouch ‘n hert in ‘t werk verwirk, det de depe leefde van D’n Uul veur Vastelaovend symboliseert. Daonaeve höb
ich sjpeels de vórm van ‘ne belón in ‘t kunswerk geïntegreerd es ‘n eerbetoon aan de kleurrieke belónversieringe in oos sjtraote en kefees ónger de Vastelaovend. ‘t Waar mich ‘n groot plezeer óm dit sjtök te krejere en ich haop det ‘t de laevendigheid en passie van D’n Uul weersjpegelt!

Kunsteneer Tim Smit, Remunj
Miene naam is Tim Smit. Ich bön aafgesjtudeerd es grafisch vórmgaever aan ‘t Sint Lucas te Boxtel en aan de Koninklijke Academie voor Schone Kunsten Antwerpen.
De óntwerpe die ich krejeer höbbe bienao altied kómmersjele besjtumminge. Dan sjpraek ich euver de vórmgaeving van illestrasies, magazines, flyers, affiches en hoessjtiele veur bedrieve. Ich perbeer óm veur de meis krejatieve oplossing te gaon. Hiebie is ‘t veur mich ouch van groot belang óm orzjeneel te
blieve. Binne de waereld van grafisch óntwerpe geljt de regel: alles is al ins gedaon. Daoróm bön ich kóntenu op zeuk nao orzjenaliteit. Mien doelsjtèlling is óm klantje en toesjouwers te entoezjasmere veur mien iedeje.
Es designer vinj ich ‘t erg belangriek óm aan ‘t begin van ‘n projek te brainstorme en sjetse op pepier te zitte in plaats van medein op de computer te wirke. Door middel van sjtaekwäörd op pepier te zitte en die te kómbinere mit sjetse óntsjtaon iedeje.
Mien sjetse zeen ‘t fóndement veur de visuele vórm van ‘t óntwerp.
‘t Óntwerp mót optisch in balans zeen en krach oetsjtraole. De slogan ‘‘Less is more’’ haet mien prioriteit in ‘n óntwerp. ‘n Sjterk beeld trèk de aandach en leijt toet herkinning.

TIM SMIT
T +31 (0) 625016633
E tim_smit@outlook.com