Sjpónsorlunsj D’n Uul bie L’ Union 2024

Woonsdig waar veur de veerde keer de sjpónsorlunsj van D’n Uul.
Veer neudige dan per sjpónsorkattegorie ‘ne zakelik partner oet. De
lunsj waar dit jaor bie L’ Union oppe Mert, ‘ne zakelik partner van D’n
Uul.
Ónger deze lunsj is ‘t sjitterende kunswerk van kunstenaer Tim Smit
oetgereik aan de zakelike partners die d’r bie ware. ’t Kunswerk haet
de titel ‘Uuleleefde veur Vastelaovend’. ‘t Kunswerk waert
aangebaoje aan de zakelike partners van D’n Uul es dank veur de
sjteun aan de vereniging ’t aafgeloupe sezoen. De leje van ’t
Algemein Besjtuur bezeuke de kómmende tied alle zakelike partners
óm ’t kunswerk perseunlik te euverhenjige.
Zónger de sjteun van oze zakelike partners kinne veer neet doon wo
D’n Uul veur sjteit; de Vastelaovend nao de miense bringe. Nogmaals
dank aan oze zakelike partners en veer haope ouch dit sezoen weer
op eur sjteun te kinne raekene.
Wilt geer weite waem alle zakelike partners van aafgeloupe jaor
ware, kiek dan hie op https://www.dn-uul.nl/sjponsoren/. Wilt geer
ouch zakelik partner waere, sjtuur dan aeve ’n berichje nao
sponsor@dn-uul.nl en veer naeme kóntak mit uch op.