Spencer I Prins van D’n Uul
Zaoterdaag 7 jannewarie 2023
Spencer I, Sjtadsprins van Remunj, Prins van D’n Uul
‘Vergaet neet te laeve’
Dèh, dao is-ter dan, eindelik nao jaore wachte is Spencer Hinzen es Spencer I de nuje veurgenger in ’t Uuleriek. En waat haet-ter d’r zin in. Eine druim dae op leek te gaon in rouk waert wörkelikheid. Al van wie d’r ‘ne kroekesjtop waas wól d’r Prins waere. De rol vervulle van Prins Vastelaovend. Waat is Spencer greuts det hae dit sezoen mit alle Uule en anger vastelaovesgekke mit löp, waat zègk ich: veurop geit!
