Loup nao de pómp MATINEEKES

In Kéfee De Post.
Kapellerlaan 207.

Waat waerd de sjoonste Uulesjlager?
De kómmende maonje trék de ganse Loup nao de pómp femieliej
mit de Loup nao de Pómp Matineekes door Groot-Remunj. Dit om
biej gelaegeheid van ‘t 8×11 van D’n Uul, de verbinjing tösse D’n
Uul en Groot-Remunj henj en veut te gaeve. In zeve kéfeekes kin
het Remunjse pebliek genete van én sjtumme op de
suksesnómmers van de Uule-elpees oet de 70er en 80er jaore.
Juweeltjes gemaak same mit de Sjtudio van Jan Theelen in
Munstergelaen. Dees nómmers waere uch gebrach door ’t grote
Hub Boesten orkes en gezónge door ein 8-tal soliste in dezelfde
sound es de “originals”. Zie wirke daobiej same mit Remunjse
vastelaovesvereiniginge, die ouch ein muzikale biedrage levere mit
biejveurbeeld ein Prinsekepel of ein Zate Hermenie.
Antree is graties (wo guf het det nog!) allein…mitzinge verplich.

Wo en wanneer?
Edere keer van 14:00 -17:00 oer
10 november biej Braam
17 november De Biecht
24 november De Post
1 desember Blond & Blond
8 desember De Ster
15 desember Aad Leeve
29 desember WinterFeverArena Munsterplein

De oetsjlaag van de Matineekes stjumminge waert tiedens de Loup
nao de Pómp Grande Finale op 1 fibberwariej 2025 in ’t 8×11
Jubeleijemweekend door de notaris bekind gemaak. Klik voor meer
info.
Ein kaertje veur de Loup nao de Pómp Grande Finale kint gear
allein koupe tiedens de Matineekes. Op 29 desember in de
WinterFeverArena op ’t Munsterplein is de grote kaartverkoup. Biej
Braam, de Biecht, de Post, Blond & Blond, de Ster en Aad Leeve
waere 50 kaertjes verkoch. Kaertjes koste €5,- en allein te betale
mét de pin!
Dus wils se zeker zeen van ein Loup nao de Pómp Grande Finale
kaertje, bön der sjnel biej en kóm nao de Matineekes!