Zoeken
Zaoterdaag 25 jannewarie 2025 is sjmiddaags wie vanaajds de resepsie van de Sjtadsprins. Aansjloetend saoves prizzentere veer ’t Prinsebal veur ederein dae van Vastelaovend hilt.
Veer belaove ouch dit jaor weer ‘ne topaovend en de antree is ouch noe weer veur nieks.
Zaoterdaag 25 jannewarie is oze Sjpegeltent ’t decor veur de Sjtadsprinselike resepsie. Veur vereniginge, femielie, vrunj en leefhöbbers van de Vastelaovend geit ‘t dook óm 13:11 oer aope óm ‘t Sjtadsprinselike gezelsjap te kómme fillesetere. Vastelaovesvereniginge van binne en boete Remunj kómme hie mit häör Prinselike gezelsjappe, Raod van 11, dansgardes en jeug ‘t Sjtadsprinselike gezelsjap van D’n Uul in ‘t zunke zitte.
Wanneer?
Zaoterdaag 25 jannewarie 2025
Tiedsjtip: van 13:11 oer toet 20:00 oer
Antree is veur nieks
Ein fees mit gratis antree veur Vastelaovesvierders oet alle windjrichtinge van Remunj wo ‘n bóntj gezelsjap van Limburgse artieste de tent op de kop zit. Doe zings, doe dans, doe lachs, doe drinks dich eine of besjtèls get te aete bie de maedjes van Vijo Cuisine. Veer höbbe d’r alles aan gedaon óm van ‘t Prinsebal ‘n fees te make wo se bie wils zeen mit optraejes van onger angere Tonca (dé feesband oet ’t zuuje), oze eige DJ’s en volges tradiesie sjluut Big Benny ’t Prinsebal
aaf.
Wanneer?
Zaoterdaag 25 jannewarie 2025
Tiedsjtip: van 20:00 oer toet 00:30 oer
Antree is veur nieks
