De Matinee
‘n Unieke galazitting veur dames en here. En waat good is mosse neet (te döks) verangere. Dös ouch dit jaor höbbe veer weer nemes minder es Restaurant ONE (1 Michelin sjter) same mit häör zösterke Bistro TWO bereid gevonje om ’t aete veur deze ganse middaag veur uch te verzorge.
Geneet aan ‘n sjoon gedèkde taofel same mit femielie, vrunj of eur zakelike partners van ‘t bèste det Remunj te beje haet. Laot uch ‘ne middaag in de watte ligke mit oetgebreijd aete, heerlike wiene en ‘n lekker kaad pilske. Belaef de Vastelaovend mit ‘n pergram mit zank, dans en ‘ne lach. Veer doon veur de derde keer op riej de belofte dat ’t uch en eur gaste aan nieks zal óntbraeke.
