Eine echte Uul is neet meer

Mit väöl pien in oos hert höbbe veer kinnes genaome van ‘t sjterve van

     Hans I Geurts

 Aad Sjtadsprins van Remunj

Grootmeister en

Senator van D’n Uul

‘ne Uul in hert en nere is neet meer… Hans I, Prins van D’n Uul in 1975 mit zien sjpreuk “Jonk en aad, gek wiej ein raad” is ós óntvalle. Nao zien prinssjap haet Hans väöl veur oos vereniging beteikent. Zo waar hae jaorenlangk lid van ‘t Algemein en Dageliks Besjtuur, zoot in väöl kemissies en sjprokkelde hae geldj veur de vereniging biejein.

Wie Hans euver de Maasbrök nao Weert verhoesde, bleef hae ‘ne rasechte Uul door in zien oprit veur zien hoes eine grote Uul aan te ligke en waas hae lid van ’t UKT, ’t Uule Kommando Team die aaf en toe geintjes mit de Rogstaekers oethaolde. Toen Hans weer trök euver de brök kwaam is hae jaorelangk penningmeister van oos vereniging gewaes. Vanwaege al zien verdeenste is Hans beneump toet Grootmeister van D’n Uul en in 2015 is Hans toegetrooje toet de Senaat.

Veer verlere ‘ne aimable, hélwirkende ras Uul, en winse Marianne, Steffie, Vicky, mit häor partiners en kienjer en ganze femielie heel väöl sjterkte toe in deze meujelike tied.