Loup nao de pómp GRANDE FINALE

Op zaoterdaagmiddaag 1 fibberwarie 2025 sjpeelt zich vanaaf
13:30 oer in de grote 8×11 Sjpegeltent op de Mèrt de Loup nao de
Pómp Grande Finale aaf: welk leedje waerd het beste Uulenómmer
oet het Elpee-tiedperk?
De notaris zal de oetsjlaag van de Loup nao de Pómp Matineekes
sjtumminge tiedens dees “Grande Finale” bekind make. Gaer kint
genete van en mitzinge mit de suksesnómmers van de Uule-elpees
oet de 70er en 80er jaore. Juweeltjes gemaak same mit de Sjtudio
van Jan Theelen in Munstergelaen. Dees nómmers waere uch
gebrach door ’t grote Hub Boesten orkes en gezónge door ein 8-tal
soliste in dezelfde sound es de “originals”. Ouch zal ein Kienjerkoor
de sjoonste Remunjse Kienjerleedjes oet de Uulehiestorie én de
suksenómmers oet de aafgeloupe Kienjermjoeziekals oetveure!

Jongk en aad, dao mot/wilt geer toch biej zeen!?
Antree €5,-

Ein kaertje veur de Loup nao de Pómp Grande Finale kint geer
allein koupe tiedens de Loup nao de pómp Matineekes. Op 29
desember in de WinterFeverArena op ’t Munsterplein is de grote
kaartverkoup. Biej de Matineekes biej Braam (10 nov), de Biecht
(17 nov), de Post (24 nov), Blond & Blond (1 dec), de Ster (8 dec)
en Aad Leeve (15 dec) waere 50 kaertjes verkoch. Let op: allein te
betale mét de pin!
Dus wils se zeker zeen van ein Loup nao de Pómp Grande Finale
kaertje? Bön der sjnel biej en kóm dan nao de Loup nao de Pómp
Matineekes! Edere keer van 14-17:00 oer.