Nao lovende rissensies in Daagblaad De Limburger in 2023 én ein sjtief oetverkoch hoes in 2024 geit D’n Uul in 2025 op veur de derde edisiej van In de Sjpegeltent. Geheel volges tradisie boewe veer weer 2 daag ein groot fees in dae fantastische sfeer en heerlikke ambians van oze eige Sjpegeltent die dit jaor oppe Mert en daomit in t’ hert van de binnesjtad zal sjtaon.

Veur vereniginge, femielie, vrunj en leefhöbbers van de vastelaovend prissentere veer op zaoterdaag 25 Jannewarie eine ganse feesmiddaag- en aovend mit gratis antree.

Veur kulinaire léknaaze en leefhöbbers van ein sjieke galazitting veur dames en here dèkke veer op zóndaagmiddaag 26 Jannewarie weer ós sjoonste taofels en verzorg Chef Edwin Soumang van ‘t bekinde Remunjse sjterrerestaurant ONE de ganse middaag ’t aete.