Prins Jules II
Jeugprins Jules II geit Uulskuukes sjportief en muziekaal veur!
In ’t jaor det Sjtadsvastelaovesvereniging D’n Uul 6×11 jaor besjteit haet de Remunjse jeug en D’n Uul weer eine Jeugprins dae os ’t ein en anger geit bringe in alle opzichte. De Jubeleijemsjtadsjeugprins van D’n Uul in ’t sezoen 2002/2003 hit dan ouch Jules II Cox, jaowaal, nao Jules I Geraedts aafgeloupe jaor noe dus Jules II Cox.
Jules Cox waerde gebaore op 11 augustus 1991 op de Veldjsjtraot in Remunj en is de zoon van Jean & Roos Cox. Jules haet ein breurke van vief jaor, Max. Noe woont Jules mit zien pap, mam en breurke in ’t riek van de Katers oet Neel. Veer höbbe dit jaor eine zeer sjportieve Jeugprins, want Jules duit neet allein turne bie Olympia, mer ouch nog waterpolo. Wiejer haet Jules twee neet al te knoevelige hoesbeeste in de vorm van reptiele, want hae haet ‘n aektes (Disje) en ’n sjlang (Speedy). Jules zien muziekale veurkeur geit oet nao get heldere meziek, veurnamelik “Linkin Park”. Jules geit ouch nao sjool, de Sjteine Brögk, wo hae in groep 8 zit bie meister Henk en juffrouw Karin.
Van die zellefde Sjteine Brök komme ouch zien twee Adjudante, te weite Robin Becks en Kenneth Caster. Robin Becks zit in groep 7 en is de zoon van Jos & Maureen Becks, Robin haet ouch nog ein breurke. Robin ziene pap, Jos Becks, is Bacchus gewaes en zit noe bie de Bacchusklup oet Remunj.
Kenneth Caster zit in groep 8 en is de zoon van Ralph & Brigitte Caster, Kenneth haet ein zosterke Joyce, Det bie de Kienjergarde van D’n Uul zit.
Wie Jules euver D’n Uul en euver zien Jeugprinssjap dink, dao kint me erg kort euver zeen. Hae is namelik al ins eerder door ein anger vastelaovesvereniging gevraog om dao Jeugprins van te waere, Mer haet toen nae gezag omdet d’r eigelik allein mer bie D’n Uul Sjtadsjeugprins wol waere en det moment is dan noe ouch gekomme en nog waal mit ’t 6×11 van D’n Uul, daomit kump netuurelik eine grote druim veur Jules II oet, ’t waas mesjiens waal zien grootste wins in zien prille besjtaon. Jules II haet in naovolging van Jules I ouch ein leedje gemaak, “Sjone vastelaovend”, op meziek van “Queen” “We will rock you” en de teks is van Jan Huyskens en op meziek gezat door Hay Hutjens, dus ouch det belaof weer get te gaon waere.
Waat ein muziekale Uul dit jaor mit meziek van de Prinsekepel, ein zingende Damesgarde, de Raod van XI. Dae haet mitgedaon aan de Leedjesaovend en ein zingende Jeugprins! En de Prins…? Jules II Cox geit regere onger de liefsjpreuk dae geer hiejbaove al hob kinne laeze, Veur de kleine Uul, Prins Jules II, mer ich weit zeker det Jules II Cox en zien twee Adjudante Robin Becks en Kenneth Caster d’r zo get sjoons van gaon make det ze d’r neet allein zeen veur de kleine Uul, mer ouch veur de grote Uul en gans Remunj, oftewaal
ALTIED PRIES!
Erik Snoek.